മുംബൈ:മഹാദേവ് വാതുവെപ്പ് കേസില്‍ ബോളിവുഡ് നടന്‍ സഹില്‍ ഖാന്‍ അറസ്റ്റില്‍.മുംബൈ പൊലീസ് സൈബര്‍ സെല്ലിന്റെ പ്രത്യേക അന്വേഷണ സംഘമാണ് താരത്തെ ചത്തീസ്ഗഢില്‍ വെച്ച് അറസ്റ്റ് ചെയ്തത്.കേസില്‍ മുന്‍കൂര്‍ ജാമ്യം തേടി സഹില്‍ ഖാന്‍ സമര്‍പ്പിച്ച ഹര്‍ജി മുംബൈ ഹൈക്കോടതി തള്ളിയതിന് പിന്നാലെയാണ് അറസ്റ്റ്.ജാമ്യാപേക്ഷ തള്ളിയതോടെ ഒളിവില്‍ പോയ സഹിലിനെ 40 മണിക്കൂര്‍ നീണ്ട തിരച്ചിലിനെടുവിലാണ് പിടികൂടിയത്.മുംബൈയിലെത്തിക്കുന്ന നടനെ കോടതിയില്‍ ഹാജരാക്കും.
വിയര്‍ത്തൊലിച്ച് കേരളം;12 ജില്ലകളില്‍ ഉയര്‍ന്ന താപനില മുന്നറിയിപ്പ്
ഛത്തീസ്ഗഡിലെ ചില സാമ്പത്തിക,റിയല്‍ എസ്റ്റേറ്റ് സ്ഥാപനങ്ങളും വിവാദമായ മഹാദേവ് വാതുവെപ്പ് ആപ്പിന്റെ പ്രമോട്ടര്‍മാരും തമ്മിലുള്ള അനധികൃത ഇടപാടുകള്‍ സംബന്ധിച്ച് പ്രത്യേക സംഘം അന്വേഷണം നടത്തി വരികയാണ്.കഴിഞ്ഞവര്‍ഷം മഹാദേവ് വാതുവെപ്പ് ആപ്പിന്റെ പരസ്യത്തില്‍ അഭിനയിച്ചതിന് ബോളിവുഡ് താരങ്ങളായ രണ്‍ബീര്‍ കപുറും ശ്രദ്ധാ കപുറും ചോദ്യംചെയ്യലിന് ഹാജരാകണമെന്ന് ഇഡി നിര്‍ദേശിച്ചിരുന്നു.
