കൊച്ചി:എംഡിഎംഎ കടത്തിയ യുവതി പൊലീസ് പിടിയില്‍ ആലുവയില്‍ പിടിയില്‍.ബെംഗളൂരുവില്‍ നിന്ന് ആലുവയിലേക്ക് ബംഗളൂരു സ്വദേശി മുനേശ്വര നഗറില്‍ സര്‍മീന്‍ അക്തര്‍ (26) നെയാണ് ആലുവ റെയില്‍വേ സ്റ്റേഷനില്‍ വച്ച് പൊലീസ് പിടികൂടിയത്.റൂറല്‍ ജില്ലാ ഡാന്‍സാഫ് ടീമുമാണ് പ്രതിയെ പിടികൂടിയത്.ഒരു കിലോഗ്രാം എംഡിഎംഎയാണ് യുവതിയില്‍ നിന്ന് പിടിച്ചെടുത്തത്.വിപണിയില്‍ ഏകദേശം 50 ലക്ഷത്തിലേറെ വിലവരും പിടിച്ചെടുത്ത എംഡിഎംഎയ്ക്ക്.
ഓപ്പറേഷന്‍ ക്ലീന്‍ പദ്ധതിയുടെ ഭാഗമായി ജില്ലാ പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.കൊച്ചിയില്‍ യുവാക്കള്‍ക്കിടയില്‍ വില്‍പന നടത്തുകയെന്ന ലക്ഷ്യത്തോടെയാണ് യുവതി മയക്കുമരുന്ന് കടത്തിയത്. ബാഗിനുള്ളിലെ ഹീറ്ററിനുള്ളില്‍ ഒളിപ്പിച്ച നിലയിലാണ് മയക്കുമരുന്നു പൊലീസ് കണ്ടെടുത്തത്. മയക്കുമരുന്ന് ആലുവയില്‍ കൈമാറിയ ശേഷം പിറ്റേന്ന് തീവണ്ടിയില്‍ തന്നെ തിരിച്ചു പോവുകയാണ് ഇവരുടെ പതിവ് രീതിയെന്ന് പൊലീസ് പറഞ്ഞു.
