ആരാധകരുടെ പ്രിയതാരം വിജയ് നായകനായി എത്തുന്ന ‘ദ ഗോട്ട് ‘ രാജ്യമൊട്ടാകെ പ്രതീക്ഷയര്‍പ്പിക്കുന്ന ചിത്രമാണ്. സെപ്തംബര്‍ 5ന് റിലീസാകുന്ന ചിത്രത്തിന്റെ ഫസ്റ്റ് ഷോ വിവരങ്ങളാണ് പുറത്തുവന്നിരിക്കുന്നത്.പതിവ് പോലെ ചിത്രത്തിന് ഏറ്റവും വലിയ വിപണിയായ തമിഴ്‌നാട്ടില്‍ സമയ ഇളവ് ഇല്ല. 9 മണിക്ക് തന്നെയായിരിക്കും ഷോ എന്നാണ് ട്രേഡ് അനലിസ്റ്റ് ശ്രീധര്‍ പിള്ളയുടെ എക്‌സ് പോസ്റ്റ് പറയുന്നത്.
2023 പൊങ്കല്‍ റിലീസിനിടെ ഉണ്ടായ അപകടത്തില്‍ യുവാവ് മരിച്ചതോടെയാണ് തമിഴ്‌നാട്ടില്‍ അതിരാവിലെ ഷോകള്‍ അനുവദിക്കുന്നത് നിര്‍ത്തിയത്.ജയിലര്‍, ലിയോ എന്നീ ചിത്രങ്ങള്‍ക്ക് പോലും പുലര്‍ച്ചെ ഷോ അനുവദിച്ചിരുന്നില്ല.യുഎസില്‍ ഇന്ത്യന്‍ സമയം രാവിലെ 6 മണിക്കാണ്.അതായത് യുഎസ് സമയം സെപ്തംബര്‍ 4 രാത്രി 8.30നായിരിക്കും ആദ്യ ഷോ.കേരളത്തില്‍ രാവിലെ 7 മണിക്കായിരിക്കും ഷോ. കഴിഞ്ഞ തവണ വിജയ് ചിത്രം ലിയോയ്ക്ക് രാവിലെ 5 മണിക്ക് അടക്കം ഷോ ഉണ്ടായിരുന്നു.എന്നാല്‍ അത് ഇത്തവണ ഉണ്ടാകില്ല.
