എ.ഡി.ജി.പി എം.ആർ. അജിത് കുമാറിനെ താൽക്കാലികമായി സസ്പെൻഡ് ചെയ്ത് വേണം അന്വേഷണം നടത്താൻ ; പി.വി. അൻവർ

മലപ്പുറം: ആരോപണങ്ങളില്‍ എ.ഡി.ജി.പി എം.ആർ. അജിത് കുമാറിനെ സർവ്വീസിൽ നിന്ന് താൽക്കാലികമായി സസ്പെൻഡ് ചെയ്ത് വേണം അന്വേഷണം നടത്താനെന്ന് അൻവർ എം.എൽ.എ. തന്‍റെ ആരോപണങ്ങളിൽ പ്രത്യേക അന്വേഷണ സംഘത്തിന്‍റെ അന്വേഷണത്തോടൊപ്പം തന്നെ നിയമപരമല്ലാത്ത ഒരു അന്വേഷണം ഇവിടെ അജിത് കുമാറിന്‍റെ നേതൃത്വത്തിൽ നടക്കുന്നുണ്ട്. പൊലീസിന്‍റെ എല്ലാ ചട്ടങ്ങളും ലംഘിച്ചുകൊണ്ടാണ് ആ ഒരു അന്വേഷണം നടക്കുന്നതെന്നും അൻവർ എം.എൽ.എ പറഞ്ഞു.

എനിക്ക് തെളിവുകളും വിവരങ്ങളും എങ്ങനെ കിട്ടി, അതുമായി ബന്ധപ്പെട്ട പൊലീസുകാർ ആരൊക്കെ, വ്യക്തികൾ ആരൊക്കെ എന്നെല്ലാം സമാന്തരമായി ഇവർ അന്വേഷിക്കുന്നുണ്ട്. ഭീഷണിപ്പെടുത്തുന്നുണ്ട്. തെളിവ് തരാൻ തയ്യാറായ പലരും മടിച്ച് നിൽക്കുകയാണെന്നും അൻവർ പറഞ്ഞു.

ഈ സർക്കാറും മുഖ്യമന്ത്രിയും പൊലീസ് ചട്ടങ്ങളുമൊന്നും തനിക്ക് ബാധകമല്ലെന്ന് അജിത് കുമാർ ആവർത്തിച്ച് തെളിയിക്കുകയാണ്. ഈ ചട്ടലംഘനങ്ങൾ മാത്രം മതി അദ്ദേഹത്തെ സസ്പെൻഡ് ചെയ്യാൻ– അൻവർ

അ​ന​ധി​കൃ​ത സ്വ​ത്ത് സ​മ്പാ​ദ​ന​ത്തി​ലും കൈ​ക്കൂ​ലി അ​ട​ക്കം അ​ഴി​മ​തി ആ​രോ​പ​ണ​ങ്ങ​ളി​ലും എ.​ഡി.​ജി.​പി എം.​ആ​ര്‍. അ​ജി​ത്കു​മാ​റി​നെ​തി​രെയും മുൻ മലപ്പുറം എസ്.പി എസ്. സുജിത് ദാസിനുമെതിരായ വി​ജി​ല​ന്‍സ് അ​ന്വേ​ഷ​ണത്തിന്‍റെ ഉത്തരവിറങ്ങിയ പശ്ചാത്തലത്തിലാണ് അൻവർ വീണ്ടും വിമർശനവുമായി രംഗത്തെത്തിയത്.

ഇരുവർക്കുമെതിരെ അന്വേഷണം വേണമെന്ന ഡി.​ജി.​പി​യു​ടെ ശി​പാ​ർ​ശ ദി​വ​സ​ങ്ങ​ൾ​ക്കു​ശേ​ഷം​ സ​ർ​ക്കാ​ർ അം​ഗീ​ക​രി​ക്കുകയായിരുന്നു. അജിത് കുമാറിനെതിരെ അഞ്ചും സുജിത് ദാസിനെതിരെ മൂന്നും വിഷയങ്ങളാണ് അന്വേഷണ പരിധിയിലുള്ളത്. അ​ജി​ത്​​കു​മാ​ർ ക്ര​മാ​സ​മാ​ധാ​ന ചു​മ​ത​ല​യു​ള്ള പ​ദ​വി​യി​ൽ തു​ട​രു​ന്ന​തി​നി​ടെ​യാ​ണ്​ വി​ജി​ല​ൻ​സ്​ അ​ന്വേ​ഷ​ണ​ത്തി​നു​ള്ള ഉ​ത്ത​ര​വ്.

അ​ന്വേ​ഷ​ണ സം​ഘ​ത്തെ വി​ജി​ല​ന്‍സ് ഡ​യ​റ​ക്ട​ര്‍ യോ​ഗേ​ഷ് ഗു​പ്ത ഇന്ന് പ്ര​ഖ്യാ​പി​ക്കു​മെ​ന്നാ​ണ്​ സൂ​ച​ന. വി​ജി​ല​ന്‍സ് മേ​ധാ​വി​യു​ടെ മേ​ല്‍നോ​ട്ട​ത്തി​ലാ​കും അ​ന്വേ​ഷ​ണം. അ​ജി​ത്​​കു​മാറിനെ ചുമതലയിലിരുത്തിക്കൊണ്ട് അന്വേഷണം പ്രഖ്യാപിച്ചതിലെ അനൗചിത്യം ചർച്ചയായിട്ടുണ്ട്.