കൊച്ചി: ലഹരിക്കേസില് നടി പ്രയാഗ മാര്ട്ടിന് ഹാജരായി. എറണാകുളം സൗത്ത് പൊലീസ് സ്റ്റേഷനിലാണ് ഹാജരായത്. ചോദ്യം ചെയ്യലിന് ഹാജരാകാന് ആവശ്യപ്പെട്ട് ശ്രീനാഥ് ഭാസിക്കും പ്രയാഗ മാര്ട്ടിനും നോട്ടീസ് അയച്ചിരുന്നു. ശ്രീനാഥ് ഭാസി ഉച്ചയോടെ മരട് പൊലീസ് സ്റ്റേഷനില് ഹാജരായിരുന്നു. പ്രാഥമിക ഘട്ട ചോദ്യം ചെയ്യലായിരിക്കും ഇന്ന് നടക്കുക.
ലഹരിക്കേസില് ശ്രീനാഥ് ഭാസിയോട് പത്തും പ്രയാഗ മാര്ട്ടിനോട് പതിനൊന്നും മണിക്ക് ഹാജരാകാനായിരുന്നു പൊലീസ് നിര്ദേശിച്ചിരുന്നത്. എന്നാല് പൊലീസിന്റെ തന്നെ അസൗകര്യത്തില് സമയം മാറ്റുകയായിരുന്നു. കൊക്കെയ്ന് ഉപയോഗിച്ചോ എന്ന കാര്യത്തിലാണ് പ്രധാനമായും ചോദ്യം ചെയ്യല്.