ഇംഫാല്‍: മണിപ്പൂരില്‍ എസ്ഐയെ കോണ്‍സ്റ്റബിള്‍ വെടിവെച്ചുകൊന്നു. ജിരിബാം ജില്ലയിലെ പൊലീസ് ഔട്ട്പോസ്റ്റിലാണ് സംഭവം. സബ് ഇന്‍സ്പെക്ടര്‍ ഷാജഹാനാണ് കൊല്ലപ്പെട്ടത്. സര്‍വീസ് റിവോള്‍വര്‍ ഉപയോഗിച്ചാണ് പ്രതി വെടിയുതിര്‍ത്തത്.
പരുക്കേറ്റ ഷാജഹാനെ ഉടന്‍ തന്നെ ആശുപത്രിയിലെത്തിച്ചെങ്കിലും മരിക്കുകയായിരുന്നു. സംഭവത്തില്‍ കോണ്‍സ്റ്റബിള്‍ ബിക്രംജിത്തിനെ പൊലീസ് അറസ്റ്റ് ചെയ്തിട്ടുണ്ട്.
ശനിയാഴ്ച രാവിലെ 11 ഓടെയായിരുന്നു സംഭവം. ഔട്ട്പോസ്റ്റിലെത്തിയ ബിക്രംജിത്ത് ഷാജഹാന് നേരെ വെടിയുതിര്‍ക്കുകയായിരുന്നു. ഷാജഹന്‍ കസേരയിലിരിക്കുകയായിരുന്നുവെന്ന് ദൃക്സാക്ഷിയായ പൊലീസ് ഉദ്യോഗസ്ഥന്‍ പറഞ്ഞു. വ്യക്തിപരമായ കാര്യങ്ങളാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം.
