ദുബായ്: വിമാനയാത്രികർക്ക് ആശ്വാസമായി ദുബായ് വിനമാനത്താവളത്തിലെ പുതിയ പരിഷ്കരണങ്ങൾ. യാത്രികരുടെ ലഗേജ് അതിവേഗം ലഭ്യമാക്കാനൊരുങ്ങി ദുബായ് വേള്‍ഡ് സെന്‍ട്രല്‍ വിമാനത്താവളം. യാത്രികർക്ക് വിമാനം ഇറങ്ങിയതിനു ശേഷം ഇനി ലഗേജിനായി ദീർഘനേരം കാത്തിരിക്കേണ്ടി വരില്ല.
ദുബായ് വേള്‍ഡ് സെന്‍ട്രല്‍ വിമാനത്താവളത്തിലെ പുതിയ ടെര്‍മിനലിലൂടെ സഞ്ചരിക്കുന്ന യാത്രികർക്ക് എമിഗ്രേഷന്‍ നടപടികള്‍ പൂര്‍ത്തിയാക്കി കഴിയുമ്പോള്‍ തന്നെ ലഗേജും ടെര്‍മിനലില്‍ തയ്യാറാകും. അല്ലെങ്കില്‍ അവരുടെ ലഗേജുകള്‍ വീടുകളിലോ താമസിക്കുന്ന ഹോട്ടലിലോ നേരിട്ട് എത്തിച്ച് കൊടുക്കാനുള്ള സംവിധാനവുമൊരുക്കുമെന്ന് എയര്‍ സര്‍വീസ് ദാതാക്കളായ ഡിനാറ്റ അറിയിച്ചു. ഏറ്റവും മികച്ചതും തടസ്സരഹിതവുമായ യാത്രാനുഭവം സാധ്യമാക്കുകയാണ് ഇതിലൂടെ ലക്ഷ്യമിടുന്നതെന്ന് വിമാന സര്‍വീസ് ദാതാവായ ഡിനാറ്റ വ്യക്തമാക്കി.
