തിരുവനന്തപുരം: നെയ്യാറ്റിന്‍കരയില്‍ സമാധിയായ ഗോപന്‍ സ്വാമിയുടെ ആത്മാവ് ശരീരത്തില്‍ കയറിയെന്ന അവകാശവാദവുമായി യുവാവ്. ഇന്നലെ രാത്രി പന്ത്രണ്ടരയോടെയാണ് സംഭവം. നെയ്യാറ്റിന്‍കര ചെമ്പരത്തിവിള സ്വദേശി അനീഷാണ് വാദം ഉന്നയിച്ചത്. ഗോപാന്റെ ആത്മാവ് ശരീരത്തില്‍ കയറിയെന്ന് ആരോപിച്ച അനീഷ് പരാക്രമം കാണിക്കുകയായിരുന്നു.
ക്ഷേത്രത്തിലെ പൂജാരിയായ അനീഷ് പരാക്രമം കാണിക്കുകയും ആക്രമത്തിനിടയില്‍ മൂന്നു യുവാക്കളെ മര്‍ദ്ദിക്കുകയും ബൈക്കുകള്‍ അടിച്ചുതകര്‍ക്കുകയും ചെയ്തു. തുടര്‍ന്ന് ഇയാളെ നെയ്യാറ്റിന്‍കര പൊലീസ് യുവാവിനെ ജനറല്‍ ആശുപത്രിയില്‍ എത്തിച്ചു. എന്നാല്‍
ആശുപത്രിയിലും അക്രമാസക്തനായി പെരുമാറിയ യുവാവിനെ പിന്നീട് തിരുവനന്തപുരം മാനസികാരോഗ്യ കേന്ദ്രത്തിലേക്ക് മാറ്റുകയായിരുന്നു.
