കോട്ടയം: കോട്ടയത്ത് മോഷണക്കേസ് പ്രതി പൊലീസുകാരനെ കുത്തിപ്പരിക്കേല്‍പ്പിച്ചു. ഗാന്ധിനഗർ സ്റ്റേഷനിലെ സിപിഒ സുനുവിനാണ് കുത്തേറ്റത്നിരവധി കേസുകളിലെ പ്രതി അരുണ്‍ ഗോപിയാണ് ആക്രമിച്ചത്. പരിക്കേറ്റ സുനുവിനെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു.
മോഷക്കേസ് പ്രതിയായ അരുണ്‍ ഗോപി എസ്‌എച്ച്‌ മൗണ്ട് ഭാഗത്തുണ്ടെന്നറിഞ്ഞ് പിടികൂടാൻ എത്തിയതായിരുന്നു ഗാന്ധിനഗർ പൊലീസ് സ്റ്റേഷനിലെ പൊലീസുകാർ. അരുണ്‍ ഗോപിയെ പിടികൂടുന്നതിനിടെ ഇയാള്‍ കത്തി കൊണ്ട് പൊലീസുകാരന്റെ തലയില്‍ കുത്തുകയായിരുന്നു. പ്രതിയെ പൊലീസ് കസ്റ്റഡിയിലെടുത്തു. സുനു കോട്ടയം മെഡിക്കല്‍ കോളജ് ആശുപത്രിയിലെ തീവ്ര പരിചരണവിഭാഗത്തില്‍ ചികിത്സയിലാണ്. ഇദ്ദേഹം അപകടനില തരണം ചെയ്തതായും നിരീക്ഷണത്തില്‍ തുടരുമെന്നും ഡോക്ടർമാർ അറിയിച്ചു. വീട്ടമ്മയെ കെട്ടിയിട്ട് ഉപദ്രവിച്ച കേസുകളിലും നിരവധി മോഷണ കേസുകളിലും പ്രതിയാണ് അരുണ്‍ ഗോപി.
