തിരുവനന്തപുരം: ഒരിടവേളയ്ക്ക് ശേഷം കെ.എസ്.ആർ.ടി.സി ബസുകളിൽ ട്രാവൽകാർഡ് വീണ്ടുമെത്തുന്നു. 100 രൂപയാണ് കാർഡിന്റെ വില. തിരുവനന്തപുരം, കൊല്ലം ജില്ലകളിലാണ് കാർഡ് ആദ്യം നടപ്പാക്കുക. എല്ലാത്തരം ഓൺലൈൻ ഇടപാടുകളും സാധ്യമായ ടിക്കറ്റ് മെഷീനുകൾ ഇതിനായി വകുപ്പ് ഏർപ്പെടുത്തി.
50 രൂപ മുതൽ 2000 രൂപവരെ ചാർജ്ജ് ചെയ്ത് ഉപയോഗിക്കാം. ഡിപ്പോകളിൽനിന്നും കണ്ടക്ടർമാരിൽനിന്നും വാങ്ങാം. കാ‍ർഡുകൾ വ്യക്തികൾക്ക് കെെമാറി ഉപയോഗിക്കാം. സാങ്കേതിക തകരാർ കാരണം കാർഡ് പ്രവർത്തനക്ഷമമല്ലെങ്കിൽ അപേക്ഷ നൽകിയാൽ രണ്ടുദിവസത്തിനുള്ളിൽ പുതിയ കാർഡ് ലഭിക്കും.
അതേസമയം കാ‍ർഡുകൾ പൊട്ടുകയോ ഒടിയുകയോ ചെയ്താൽ മാറ്റി നൽകില്ല. ഒരു കാർഡ് വിറ്റാൽ 10 രൂപ കണ്ടക്ടർക്ക് കമ്മിഷൻ ലഭിക്കും. ബസിനുള്ളിൽ കാർഡ് റീ ചാർജ്ജ് ചെയ്യാം. പുതിയ ടിക്കറ്റ് മെഷീനുകൾ ആറു ജില്ലകളിൽ വിതരണം ചെയ്തിട്ടുണ്ട്. രണ്ടു മാസത്തിനുള്ളിൽ സംസ്ഥാനത്ത് വിതരണം പൂർത്തിയാകും.
