ന്യൂഡൽഹി: കേരളത്തിലെ കോൺഗ്രസിനെ ഇനി സണ്ണി ജോസഫ് നയിക്കും. കെപിസിസി പ്രസിഡന്റ് സ്ഥാനത്തു നിന്നും സുധാകരൻ ഒഴിയുന്നതോടെയാണ് സണ്ണി ജോസഫ് അധ്യക്ഷനാകുക. എ ഐ സി സി അധ്യക്ഷൻ മല്ലികാർജുൻ ഖാർഗെയുടെ നിർദ്ദേശ പ്രകാരം കെസി വേണുഗോപാൽ എംപിയാണ് പ്രഖ്യാപിച്ചത്.
കെ സുധാകരന്റെ നിർദ്ദേശപ്രകാരമാണ് സണ്ണി ജോസഫിനെ തീരുമാനിച്ചതെന്ന് അറിയുന്നു. യുഡിഎഫ് കൺവീനറായി അടൂർ പ്രകാശ് എം ബി എ യും തിരഞ്ഞെടുത്തു. കെപിസിസി വർക്കിംഗ് പ്രസിഡന്റുമാരായി ഷാഫി പറമ്പിൽ എംപിയെയും എംഎൽഎമാരായ എപി അനിൽകുമാറിനെയും പിസി വിഷ്ണുനാഥനെയും തിരഞ്ഞെടുത്തു. അതേസമയം, രാവിലെ കെപിസിസി പ്രസിഡന്റ് കെ സുധാകരനെ ക്രസ് പ്രവർത്തകസമിതിയിൽ പ്രത്യേക ക്ഷണിതാവായി ഉൾപ്പെടുത്തുകയും ചെയ്തു.
