തിരിവനന്തപുരം: കെപിസിസി അധ്യക്ഷസ്ഥാനത്ത് നിന്ന് മാറ്റുമെന്ന അഭ്യൂഹങ്ങൾക്ക് മറുപടിയുമായി കെപിസിസി പ്രസിഡന്റ് കെ സുധാകരൻ. തന്നോട് സ്ഥാനം മാറാൻ ആരും പറഞ്ഞിട്ടില്ലെന്നും , പറയാത്തിടത്തോളം മാറേണ്ട കാര്യമില്ലെന്നും കെ സുധാകരൻ പ്രതികരിച്ചു. പാർട്ടിക്കുളിൽ നിന്നുള്ള പ്രചാരണങ്ങൾ ശരിയല്ല. അത് ഹൈക്കമാൻഡിനെ അറിയിക്കും.ആരാണ് വാർത്തകൾ പ്രചരിപ്പിക്കുന്നതെന്ന് മാധ്യമപ്രവർത്തകർ കണ്ടു പിടിക്കണം എന്നും കെ സുധാകരൻ വ്യകതമാക്കി .
പാർട്ടിയിൽ തനിക്ക് എല്ലാവരുമായി നല്ല ബന്ധമാണുള്ളതെന്നും , ആരെങ്കിലും വിചാരിച്ചാൽ തന്നെ തൊടാൻ കഴിയില്ലെന്നും അദ്ദേഹം പറഞ്ഞു. പ്രതിപക്ഷ നേതാവായും , എം എം ഹസനുമായും ,രമേശ് ചെന്നിത്തലയുമായി നല്ല ബന്ധമാണുള്ളത്. തനിക്ക് വേണ്ടി സംസാരിക്കാന്‍ വിഎം സുധീരന്‍, കെ മുരളീധരന്‍ വരുന്നു. അതേസമയം തന്നെ ഇത്തരം ചര്‍ച്ച കൊണ്ടുവരുന്നത് തന്നെ തകര്‍ക്കാനുള്ള ഗൂഢലക്ഷ്യമായി കാണുന്നില്ല എന്നും എന്നാല്‍ അങ്ങനെ ആയിക്കൂടാഴികയുമില്ല എന്ന് കെ സുധാകരന്‍ കൂട്ടിച്ചേർത്തു.
