ഗുജറാത്ത് : ഇന്ത്യ പാക് ആക്രമണത്തിന് പിന്നാലെ അഹമ്മദാബാദിലെ നരേന്ദ്ര മോദി സ്റ്റേഡിയത്തിന് ബോംബ് ഭീഷണി ലഭിച്ചതായി റിപ്പോർട്ട്. നിങ്ങളുടെ സ്റ്റേഡിയം ഞങ്ങൾ തകർക്കും’ എന്നാണ് ഭീഷണി സന്ദേശത്തിൽ വ്യക്തമാക്കുന്നത്. ‘പാകിസ്ഥാൻ’ എന്ന പേരിലാണ് ഇ-മെയിൽ അയച്ചിരിക്കുന്നത്. ‘ഓപ്പറേഷൻ സിന്ദൂറിന് തൊട്ടുപിന്നാലെയാണ് ഭീഷണി വന്നിരിക്കുന്നത്.
അതേസമയം ബോംബ് ഡിറ്റക്ഷൻ ആൻഡ് ഡിസ്പോസൽ സ്ക്വാഡ് , അഹമ്മദാബാദ് സിറ്റി പോലീസിന്റെ ഡോഗ് സ്ക്വാഡ് എന്നിവരുമായി ചേർന്ന് ചന്ദ്ഖേഡ പോലീസ് മുഴുവൻ പരിസരവും സമഗ്രമായ പരിശോധന നടത്തി. സ്റ്റേഡിയം, ഡ്രസ്സിംഗ് റൂമുകൾ, ഇരിപ്പിടങ്ങൾ, ഗാലറികൾ, വിഐപി ബോക്സുകൾ, മീഡിയ സെന്റർ, പുറം പ്രൊമെനേഡുകൾ എന്നിവിടങ്ങൾ സംഘങ്ങൾ പരിശോധിച്ചെങ്കിലും സ്ഫോടകവസ്തുക്കളൊന്നും കണ്ടെത്തിയില്ല. ഭീഷണിയെ തുടർന്ന് സുരക്ഷാ ഏജൻസികൾ ജാഗ്രത പാലിക്കുകയും വിഷയത്തിൽ ഗൗരവമായ അന്വേഷണം ആരംഭിക്കുകയും ചെയ്തിട്ടുണ്ട്.
