സഖിയില്‍ നിന്ന് കാണാതായ മുഴുവന്‍ കുട്ടികളെയും കണ്ടെത്തി

പാലക്കാട്: സഖി കേന്ദ്രത്തില്‍ നിന്ന് കാണാതായ മുഴുവന്‍ പെണ്‍കുട്ടികളെയും കണ്ടെത്തി. മൂന്നാമതായി കണ്ടെത്തിയ 14കാരിയെ തമിഴ്‌നാട്ടിലെ ദിണ്ഡിഗലില്‍ നിന്നാണ് പൊലീസ് കണ്ടെടുത്തത്. കുട്ടികള്‍ക്കായി പൊലീസ് അന്വേഷണം വ്യാപിപ്പിച്ചിരുന്നു. വീട്ടിലേക്ക് പോകാനുള്ള ആഗ്രഹം കൊണ്ടാണ് കേന്ദ്രത്തില്‍ നിന്ന് രക്ഷപ്പെട്ടതെന്നാണ് കണ്ടെത്തിയ കുട്ടികള്‍ പൊലീസിനോട് പറഞ്ഞത്. 17 കാരിയെ മണ്ണാര്‍ക്കാടു നിന്നാണ് കണ്ടെത്തിയത്. ഒരു കുട്ടി സ്വന്തം വീട്ടിലെത്തിയിരുന്നു. ഇക്കഴിഞ്ഞ 17ന് വൈകിട്ടാണ് പാലക്കാട് ജില്ലാ ആശുപത്രിക്ക് സമീപം പ്രവര്‍ത്തിക്കുന്ന സഖി കേന്ദ്രത്തില്‍ നിന്ന് കുട്ടികളെ കാണാതായത്.