പുതുവർഷ സമ്മാനം; വാണിജ്യ പാചകവാതക വില കുറച്ചു

വാണിജ്യ ആവശ്യത്തിനുള്ള പാചകവാതക സിലിണ്ടറിന്റെ വില കുറച്ചു. 19 കിലോ സിലിണ്ടര്‍ വില 14.50 രൂപയാണ് എണ്ണ കമ്പനികള്‍ കുറച്ചത്. എന്നാൽ ​ഗാർഹിക ആവശ്യത്തിനുള്ള പാചകവാതക സിലിണ്ടറിന്റെ വിലയിൽ മാറ്റമില്ല. അഞ്ചു മാസം തുടർച്ചയായി 173 രൂപയുടെ വര്‍ധന ഉണ്ടായതിന് ശേഷമാണ് ആദ്യമായി വില കുറച്ചത്. ഡല്‍ഹിയില്‍ വാണിജ്യ സിലിണ്ടറിന്റെ വില 1804 , മുംബൈ 1756, ചെന്നൈ 1966, കൊല്‍ക്കത്ത 1911 എന്നിങ്ങനെയാണ് നഗരങ്ങളിലെ പുതുക്കിയ സിലിണ്ടർ വില. വിമാന ഇന്ധന വിലയിലും കുറവ് വന്നു. ഒരു കിലോലിറ്റര്‍ വിമാന ഇന്ധന വിലയില്‍ 1400ലധികം രൂപയാണ് കുറച്ചത്. മാറ്റം വരുത്തിയ നിരക്ക് ഇന്നുമുതൽ പ്രാബല്യത്തിൽ വന്നു.