തിരുവനന്തപുരം: കുപ്രസിദ്ധ ഗുണ്ട നേതാവ് ഓംപ്രകാശ് പൊലീസ് കസ്റ്റഡിയിൽ. സിറ്റി പൊലീസ് കമ്മീഷണറുടെ സ്പെഷ്യൽ ഡ്രൈവിന്റെ ഭാഗമായാണ് ഈ നടപടി. ആക്കുളത്തിന് സമീപമുള്ള ഒരു ആഡംബര ഹോട്ടലിൽ സുഹൃത്തിനൊപ്പം മദ്യപിക്കാനെത്തിയിരിക്കെ യാണ് ഓംപ്രകാശിനെ കസ്റ്റഡിയിലെടുത്തത്.കഴക്കൂട്ടം-തുമ്പ പൊലീസ് സ്റ്റേഷൻ പരിധിയിലെ ബാറുകളിൽ അനധികൃത ഇടപാടുകൾ നടത്തുന്നുണ്ടെന്ന വിവരം ലഭിച്ചതോടെ ഓംപ്രകാശിനെ പൊലീസ് നിരീക്ഷിച്ചു വരികയായിരുന്നു.
നഗരത്തിലെ ഗുണ്ടാസംഘങ്ങൾ തമ്മിലുള്ള പല ഏറ്റുമുട്ടലുകളും പൊലീസിന് വലിയ വെല്ലുവിളിയായിരുന്നു. ഇതിനെ തുടർന്ന് ഗുണ്ടാസംഘത്തിലുള്ളവരെ നിരന്തരമായി നിരീക്ഷണം ഏർപ്പടുത്തിയിരുന്നു.
