റിയാദ്: സൗദി അറേബ്യയില്‍ പൊതു അവധി പ്രഖ്യാപിച്ചു. ഫെബ്രുവരി 22നാണ് പൊതു അവധി പ്രഖ്യാപിച്ചിരിക്കുന്നത്. സ്ഥാപക ദിനത്തോട് അനുബന്ധിച്ചാണ് മാനവ വിഭവശേഷി, സാമൂഹിക വികസന മന്ത്രാലയം അവധി പ്രഖ്യാപിച്ചത്. ഇമാം മുഹമ്മദ് ബിന്‍ സൗദ്, സൗദി അറേബ്യ സ്ഥാപിച്ചതിന്റെ വാര്‍ഷികം ആണ് ഫെബ്രുവരി 22ന് സ്ഥാപക ദിനമായി ആഘോഷിക്കുന്നത്.
ശനിയാഴ്ചയാണ് ഇത്തവണ സ്ഥാപക ദിനം വരുന്നത്. സ്വകാര്യ മേഖലയിലെ ജീവനക്കാര്‍ക്കും ലാഭേച്ഛയില്ലാതെ പ്രവര്‍ത്തിക്കുന്ന മേഖലകളിലെ ജീവനക്കാര്‍ക്കും അവധി ആയിരിക്കുമെന്ന് മന്ത്രാലയം അറിയിച്ചു.അന്ന് വാരാന്ത്യ അവധിയുള്ള സ്ഥാപനങ്ങള്‍ക്ക് പകരം തൊട്ടടുത്ത ദിവസമായ ഞായറാഴ്ച അവധി ലഭിക്കാനിടയുണ്ട്.
