കൊല്ലം : കേരളത്തെ വിട്ടൊഴിയാതെ അമീബിക് മസ്തിഷ്‍ക ജ്വരം. കൊല്ലം ജില്ലയിലെ പത്ത് വയസുകാരന് രോഗം സ്ഥിരീകരിച്ചു. കടുത്ത പനിയും തലവേദനയും അനുഭവപ്പെട്ടതിനെ തുടർന്നാണ് കുട്ടിയെ ആശുപത്രിയിൽ പ്രവേശിപ്പിച്ചത്. ജില്ലയിൽ ആദ്യമായാണ് അമീബിക് മസ്തിഷ്‍ക ജ്വരം സ്ഥിരീകരിക്കുന്നത്.
കുട്ടിയെ തിരുവനന്തപുരം എസ്.എ.ടി ആശുപത്രിയിലേക്ക് മാറ്റി. രോഗബാധ സ്ഥിരീകരിച്ച സാഹചര്യത്തിൽ ജലാശയത്തിൽ ഇറങ്ങുന്നവർക്ക് ആരോഗ്യവകുപ്പ് ജാഗ്രത നിർദേശം നൽകിയിട്ടുണ്ട്.
