പാലക്കാട് : വോട്ടെണ്ണല്‍ പുരോഗമിക്കുമ്പോള്‍ ഏഴ് റൗണ്ട് വരെ മാറി മാറി നിന്ന ലീഡ് നില ഇപ്പോള്‍ രാഹുലിന് മാത്രം സ്വന്തമായിരിക്കുകയാണ്. പതിനയ്യായിരത്തിലേറെ വോട്ടിന്റെ ലീഡ് നിലയിൽ മുന്നിലായികഴിഞ്ഞു രാഹുൽ. 15294 വോട്ട് മുന്നിലാണ് യുഡിഎഫിന്റെ രാഹുൽ മാങ്കൂട്ടത്തിൽ.
വോട്ടെടുപ്പ് ആരംഭിച്ചപ്പോൾ ആദ്യ രണ്ട് റൗണ്ടിൽ എൻ.ഡി.എ സ്ഥാനാർഥി സി. കൃഷ്ണകുമാറായിരുന്നു മുന്നിട്ടുനിന്നത്. പിന്നീടുള്ള റൗണ്ടുകളിൽ ഇരുവരും മാറി മാറി മുന്നോട്ടും പിന്നോട്ടുമെത്തുകയായിരുന്നു. ത്രികോണ മത്സരമെന്ന് വിശേഷിപ്പിക്കപ്പെട്ട പാലക്കാട് എൽഡിഎഫ് സ്ഥാനാർത്ഥി പി സരിൻ സ്ക്രീനിലേ തെളിഞ്ഞിട്ടില്ല.
