മലപ്പുറം: കോഴിക്കോട് – തൃശൂർ ദേശീയ പാതയിലെ ചേളാരിക്കടുത്ത് പടിക്കലിൽ ബൈക്ക് ഡിവൈഡറിലിടിച്ച് അപകടം. രണ്ട് യുവാക്കൾ മരിച്ചു. ദേശീയ പാതയിൽ പുതുതായി നിർമിച്ച നാലുവരി പാതയിൽ നിന്ന് പടിക്കലിൽ സർവീസ് റോഡിലേക്ക് സ്ഥാപിച്ച കോൺക്രീറ്റ് ഡിവൈഡറിൽ ഇടിച്ചുകയറുകയായിരുന്നു.
കോട്ടക്കൽ പടപ്പറമ്പ് പാങ് സ്വദേശികളായ റനീസ് (19), എം.ടി നിയാസ് (19) എന്നിവരാണ് മരിച്ചത്. ഇന്നലെ രാത്രി 11 മണിയോടെയാണ് സംഭവം. ഗുരുതരമായി പരിക്കേറ്റ റനീസിനെ കോട്ടക്കലിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കോഴിക്കോട് മെഡിക്കൽ കോളജിൽ പ്രവേശിപ്പിച്ച നിയാസ് പുലർച്ചയോടെയാണ് മരിക്കുന്നത്.
