മുൻ ജസ്റ്റിസ് വി. രാമസുബ്രഹ്മണ്യം ദേശീയ മനുഷ്യാവകാശ കമ്മിഷൻ ചെയർമാൻ

ന്യൂഡൽഹി: ദേശീയ മനുഷ്യാവകാശ കമ്മിഷൻ ചെയർമാനായി സുപ്രീം കോടതി മുൻ ജഡ്ജി വി.രാമസുബ്രഹ്മണ്യത്തെ നിയമിച്ചു. മദ്രാസ് ലോ കോളജിൽ നിന്ന് നിയമം പൂർത്തിയാക്കിയ അദ്ദേഹം മദ്രാസ് ഹൈക്കോടതിയിൽ 23 വർഷം പ്രാക്ടീസ് ചെയ്തു. 2006 ജൂലൈ 31-ന് മദ്രാസ് ഹൈക്കോടതിയിൽ അഡീഷനൽ ജഡ്ജിയായി. തുടർന്ന് 2009 നവംബർ 9ന് സ്ഥിരം ജഡ്ജിയായും നിയമിതനായി. കൂടാതെ തെലങ്കാന ഹൈക്കോടതിയിലും ജഡ്ജിയായിരുന്നു. ഹിമാചൽ പ്രദേശ് ഹൈക്കോടതി ചീഫ് ജസ്റ്റിസ് പദവിയിൽ നിന്നാണ് അദ്ദേഹം സുപ്രീം കോടതി ജഡ്ജിയായത്.