ദുബായ് മാളില്‍ പോക്കറ്റടി നടത്തിയ നാലംഗ സംഘത്തെ പൊലീസ് പിടികൂടി.23, 28, 45, 54 വയസ്സുളളവരെയാണ് അറസ്റ്റ് ചെയ്തിരിക്കുന്നത്.ദുബായ് മാളിലെ ഡാന്‍സിങ് ഫൗണ്ടയ്ന്‍ ഭാഗത്ത് ഷോ കാണാനെന്ന വ്യാജേന എത്തിയ ശേഷം നാലംഗസംഘം ചേര്‍ന്ന് മോഷണം നടത്തുമ്പോഴാണ് പൊലീസ് കസ്റ്റഡിയിലെടുത്ത്.മോഷണം നടന്ന ദിവസം രഹസ്യ ഉദ്യോഗസ്ഥര്‍ പ്രതികളെ നിരീക്ഷിക്കുകയും പിടികൂടുകയും ചെയ്തു.സിവിലിയന്‍ വസ്ത്രമണിഞ്ഞ് രംഗത്തിറങ്ങിയ പൊലീസ് ജനങ്ങള്‍ക്കിടയില്‍ ഇറങ്ങി നടത്തിയ നിരീക്ഷണത്തിലാണ് പ്രതികള്‍ പിടിയിലായത്.
നാലു പേരില്‍ രണ്ടു പേര്‍ മോഷണം നടത്തുന്നതിനായി ഒരു സ്ത്രീയുടെ ശ്രദ്ധ തെറ്റിക്കുകയും മൂന്നാമത്തെയാള്‍ മോഷ്ടിക്കുകയും നാലാമത്തെയാള്‍ സ്ത്രീയുടെ നീക്കങ്ങള്‍ നിരീക്ഷിക്കുകയും ചെയ്യുന്നതാണ് ഇവരുടെ കവര്‍ച്ചാ രീതി. ഇരയുടെ ശ്രദ്ധ തിരിക്കാനും അവളുടെ ഫോണ്‍ മോഷ്ടിക്കാനും പിന്നീട് തിരിച്ചറിയാതിരിക്കാന്‍ ചിതറിപ്പോയതും ഫൂട്ടേജില്‍ കാണിച്ചു.കോടതിയില്‍ ഹാജരാക്കിയ പ്രതികളെ ഒരു മാസം തടവിനും നാടുകടത്താനും ഉത്തരവിട്ടതായി ഖലീജ് ടൈംസ് റിപ്പോര്‍ട്ട് ചെയ്തു.
