പെര്‍ത്ത്: ഓസ്‌ട്രേലിയയ്‌ക്കെതിരായ ഒന്നാം ടെസ്റ്റില്‍ ഇന്ത്യയ്ക്ക് മോശം തുടക്കം. ടോസ് നേടി ആദ്യം ബാറ്റ് ചെയ്യുന്ന ഇന്ത്യയ്ക്ക് ആദ്യ ഒന്നര മണിക്കൂറില്‍ തന്നെ മൂന്ന് മുന്‍നിര വിക്കറ്റുകള്‍ നഷ്ടമായി. ഓപ്പണര്‍ യശസ്വി ജയ്‌സ്വാള്‍, മൂന്നാം നമ്പറിലെത്തിയ ദേവ്ദത്ത് പടിക്കല്‍ എന്നിവര്‍ റണ്ണെടുക്കാതെയും വിരാട് കോഹ്ലി അഞ്ച് റണ്ണിനും പുറത്തായി. ഓസീസിനായി ജോഷ് ഹാസില്‍വുഡ് രണ്ട് വിക്കറ്റ് വീഴ്ത്തി.
ഓപ്പണര്‍ കെഎല്‍ രാഹുല്‍ (26), ഋഷഭ് പന്ത്(3) എന്നിവരാണ് ക്രീസില്‍. ഇന്ത്യയ്ക്കായി ഓള്‍റൗണ്ടര്‍ നിതീഷ് കുമാര്‍ റെഡ്ഡി, പേസര്‍ ഹര്‍ഷിത് റാണ എന്നിവര്‍ അരങ്ങേറ്റം കുറിച്ചു.
പരുക്കേറ്റ ഗില്ലിന് പകരം ദേവ്ദത്ത് പടിക്കലിനെ ഉള്‍പ്പെടുത്തി. മൂന്ന് പേസര്‍മാരും ഒരു പേസ് ഓള്‍റൗണ്ടറും ആറ് ബാറ്റര്‍മാരും അടങ്ങിയതാണ് ഇന്ത്യന്‍ ലൈനപ്പ്. വാഷിങ്ടണ്‍ സുന്ദറാണ് ഏക സ്പിന്നര്‍. ന്യൂസിലന്റിനെതിരായ പരമ്പരയിലെ മികച്ച പ്രകടനമാണ് വാഷിങ്ടണിന് തുണയായത്.
