കൊച്ചി: സ്വർണവിലയിൽ വീണ്ടും വർദ്ധനവ്. പവന് 200 രൂപയാണ് ഇന്ന് കൂടിയത്. ഇതോടെ പവന് വില 57,000 രൂപയിലെത്തി. ഒരു ഗ്രാമിന് 25 രൂപയും വർദ്ധിച്ചു. ഒരു ഗ്രാം 22 കാരറ്റ് സ്വർണത്തിന്റെ ഇന്നത്തെ വില 7125 രൂപയാണ്.മൂന്ന് ദിവസമായി മാറ്റമില്ലാതെ തുടർന്ന സ്വർണവിലയിൽ കഴിഞ്ഞ ദിവസം പവന് 80 രൂപയുടെ വർദ്ധനവുണ്ടായിരുന്നു.
ഒരാഴ്ചയ്ക്കുശേഷമാണ് സ്വർണ വില വീണ്ടും 57000 രൂപയിലേക്ക് എത്തുന്നത്. ഒരു ഗ്രാം 18 ക്യാരറ്റ് സ്വർണ്ണത്തിൻറെ വില 20 രൂപയാണ് ഉയർന്നത് .വിപണി വില 5885 രൂപയാണ്. വെള്ളി വിലയിൽ മാറ്റമില്ല ഒരു ഗ്രാം ഹാൾമാർക്ക് വെള്ളിയുടെ വില 95 രൂപയാണ്. കഴിഞ്ഞ ശനിയാഴ്ച മുതൽ തിങ്കളാഴ്ച വരെ 56,800 രൂപയിലാണ് സ്വർണവ്യാപാരം നടന്നത്.പുതുവർഷം അടുത്തിരിക്കെ സ്വർണവിലയിലെ ഏറ്റക്കുറച്ചിലുകളെ പ്രതീക്ഷയോടെയാണ് ആഭരണ പ്രേമികൾ നോക്കിക്കാണുന്നത്.അന്താരാഷ്ട്ര വിപണിയിലെ ചലനങ്ങളും ഓഹരി വിപണിയിലെ മാറ്റങ്ങളുമാണ് സ്വര്‍ണവിലയില്‍ പ്രതിഫലിക്കുന്നത്.
