സംഗീത പ്രേമികളെ അമ്പരപ്പിച്ച വേര്‍പിരിയല്‍ വാര്‍ത്തയായിരുന്നു സംഗീതജ്ഞന്‍ എആര്‍ റഹ്‌മാന്റെയും – സൈറ ബാനുവിന്റെയും. ഔദ്യോഹികമായ സ്ഥിരീകരണം നടക്കാത്ത ഈ വാര്‍ത്തയില്‍ പ്രതികരണവുമായി എത്തിയിരിക്കുകയാണ് സൈറയുടെ അഭിഭാഷക വന്ദന ഷാ.
വിശ്വാസവഞ്ചന കാണിച്ചതു കൊണ്ടാണ് വിവാഹമോചനം എന്ന പ്രചാരണം അസംബന്ധം ആണ്. സൈറ പണത്തോട് ആര്‍ത്തിയുള്ള വ്യക്തി അല്ല. കുട്ടികള്‍ ആര്‍ക്കൊപ്പം എന്നതില്‍ അടക്കം തീരുമാനം എടുത്തിട്ടിലെന്നും വന്ദന വെളിപ്പെടുത്തി. ദാമ്പത്യത്തില്‍, അനുരഞ്ജനം അസാധ്യമല്ല. ഇരുവരും അനുഭവിക്കുന്ന വേദന, വിവാഹമോചനത്തെ കുറിച്ച് അറിയിച്ച വാര്‍ത്താകുറിപ്പില്‍ വ്യക്തമാണ്.
വിവാഹമോചനത്തിനായുള്ള ഔദ്യോഗിക നടപടികള്‍ തുടങ്ങിയിട്ടില്ല. ദീര്‍ഘവര്‍ഷങ്ങള്‍ നീണ്ടുനിന്ന ദാമ്പത്യം എന്ന നിലയില്‍, അനുരഞ്ജനത്തിനുള്ള വഴി അടഞ്ഞതായി താന്‍ കരുതുന്നില്ലെന്നും ഒരു യൂട്യൂബ് ചാനലിന് നല്‍കിയ അഭിമുഖത്തില്‍ വന്ദന ഷാ പറഞ്ഞു.
