തൃശൂര്‍: കെ രാധാകൃഷ്ണന്‍ എംപിയുടെ മാതാവ് ചിന്ന (84) അന്തരിച്ചു. വാര്‍ദ്ധക്യ സഹജമായ അസുഖങ്ങളാല്‍ മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെയാണ് അന്ത്യം. പാര്‍ലമെന്റ് സമ്മേളനത്തില്‍ പങ്കെടുക്കാന്‍ ഡല്‍ഹിയിലായിരുന്ന എംപി നാട്ടിലേക്ക് തിരിച്ചു.
മാതാവിന്റെ വിയോഗ വാര്‍ത്ത എം പി സാമൂഹ്യമാധ്യമങ്ങളില്‍ പങ്കുവെച്ചു. ജീവിതത്തില്‍ എന്നും താങ്ങും തണലുമായിരുന്ന അമ്മ വിട പറഞ്ഞു എന്നാണ് അദ്ദേഹം സമൂഹ മാധ്യമത്തില്‍ കുറിച്ചത്. സംസ്‌കാരം ഇന്ന് ഉച്ചയ്ക്ക് ശേഷം നടക്കും. ഭര്‍ത്താവ്: പരേതനായ വടക്കേപറമ്പില്‍ കൊച്ചുണ്ണി. മറ്റു മക്കള്‍: രതി, രവി, രമ, രമണി,രജനി, പരേതരായ രാജന്‍, രമേഷ് എന്നിവരാണ്.
