കൊച്ചി : മലയാള ചലച്ചിത്രതാരം കവിയൂര്‍ പൊന്നമ്മ (79 ) അന്തരിച്ചു. കുറച്ചുനാളായി രോഗബാധിതയായി കൊച്ചിയിലെ ലിസി ആശുപത്രിയില്‍ ചികില്‍സയിലായിരുന്നു. എഴുന്നൂറിലേറെ സിനിമകളില്‍ അഭിനയിച്ചിട്ടുണ്ട്. സംസ്‌കാരം പിന്നീട്.
സത്യന്‍, പ്രേംനസീര്‍, കൊട്ടാരക്കര ശ്രീധരന്‍നായര്‍ തുടങ്ങി, മമ്മൂട്ടി, മോഹന്‍ലാല്‍ തുടങ്ങിയ ചിത്രങ്ങളിലും മൂന്നാം തലമുറയിലെ നായക നടന്മാര്‍ക്കൊപ്പവും അഭിനയിച്ചു. അമ്മ വേഷങ്ങളിലൂടെയാണ് കവിയൂര്‍ പൊന്നമ്മ മലയാള സിനിമയില്‍ സ്ഥാനമുറപ്പിച്ചത്. നാടകത്തിലൂടെയായിരുന്നു പൊന്നമ്മ അഭിനയത്തിലേക്ക് എത്തിയത്.പത്തനംതിട്ടയിലെ കവിയൂരില്‍ ജനിച്ച പൊന്നമ്മ അഞ്ചു പതിറ്റാണ്ടിലേറെക്കാലമായി മലയാള സിനിമയില്‍ സജീവമായിരുന്നു.
