കുവൈത്ത് സിറ്റി: കുവെത്തില്‍ തുടര്‍ച്ചയായി ആറ് മാസം പ്രവര്‍ത്തിക്കാത്ത വാണിജ്യ ലൈസന്‍സുകള്‍ റദ്ദാക്കുന്നതിനുള്ള പദ്ധതിയിടുന്നു. കുവൈത്ത് വാണിജ്യ വ്യവസായ മന്ത്രാലയം ഇത് സംബന്ധിച്ച് പദ്ധതിയിടുന്നതായി പ്രാദേശിക റിപ്പോര്‍ട്ടുകള്‍ സൂചിപ്പിക്കുന്നു.
നിലവിലുള്ള കമ്പനി നിയമത്തില്‍ ഈ ആര്‍ട്ടിക്കിള്‍ അനുസരിച്ച് തുടര്‍ച്ചയായി ആറ് മാസത്തേക്ക് പ്രവര്‍ത്തനം നടത്തിയില്ലെങ്കില്‍ ലൈസന്‍സ് റദ്ദാക്കുമെന്ന് ഇതിനകം വ്യവസ്ഥ ചെയ്യുന്നുണ്ട്.
തുടര്‍ച്ചയായി ആറ് മാസം പ്രവര്‍ത്തിക്കാത്ത റിയല്‍ എസ്റ്റേറ്റ്, ഗവേഷണം, മെഡിക്കല്‍ സര്‍വീസസ് കമ്പനികളുടെ വാണിജ്യ ലൈസന്‍സുകള്‍ റദ്ദാക്കുന്ന മന്ത്രിതല തീരുമാനങ്ങള്‍ മന്ത്രാലയം മുമ്പ് പുറപ്പെടുവിച്ചിരുന്നു.
ഒരു വ്യവസ്ഥ ചേര്‍ക്കാന്‍ തുടക്കം മുതല്‍ ഉപയോഗത്തിലില്ലാത്തതോ ഒരു ജോലിയിലും ഏര്‍പ്പെട്ടിട്ടില്ലാത്തതോ ആയ ധാരാളം ലൈസന്‍സുകള്‍ പരിഗണിച്ചതിന് ശേഷം ഈ നിയമം കര്‍ശനമായി നടപ്പിലാക്കുമെന്ന് പുറത്ത് വരുന്ന റിപ്പോര്‍ട്ടുകള്‍ പറയുന്നു.
