തൃശൂർ : കേരള രാഷ്ട്രീയത്തിൽ നിന്ന് തന്നെ പുറത്താക്കാന്‍ ആര് വിചാരിച്ചാലും നടക്കില്ലെന്ന് ശോഭാ സുരേന്ദ്രന്‍. തനിക്കെതിരെ ചിലര്‍ പ്രവര്‍ത്തിക്കുന്നുണ്ടെന്നും കൊടകര കുഴൽപ്പണക്കേസിൽ പുതിയ വെളിപ്പെടുത്തൽ നടത്തിയ ബി.ജെ.പി മുൻ തൃശ്ശൂർ ഓഫീസ് സെക്രട്ടറി തിരൂർ സതീശന് പിന്നിൽ താനാണെന്ന് വരുത്തിതീര്‍ക്കാന്‍ ശ്രമങ്ങള്‍ നടക്കുന്നുണ്ടെന്നും ശോഭ സുരേന്ദ്രന്‍ പറഞ്ഞു.
എന്ത് അടിസ്ഥാനത്തിലാണ് മാധ്യമങ്ങൾ തിരൂർ സതീശന് പിന്നിൽ ശോഭ സുരേന്ദ്രനാണെന്ന് പറയുന്നത് ? ഇല്ലാത്ത ആരോപണങ്ങൾ കെട്ടിവെച്ച് എന്നെ വീട്ടിലിരുത്താമെന്നാണ് ധാരണയെങ്കിൽ അങ്ങനെ ശ്രമിക്കുന്നവന്റെ മുഖപടം ചീന്തിയെറിയാനുള്ള സ്വാധീനം ശോഭ സുരേന്ദ്രനുണ്ട് – ശോഭ സുരേന്ദ്രന്‍ പറഞ്ഞു.
ഇ.പി ജയരാജന്‍ തനിക്കെതിരെ പ്രവര്‍ത്തിക്കുന്നുണ്ടെന്നും ശേഭ പറഞ്ഞു. കേരളത്തില്‍ മുഖ്യമന്ത്രി ഏറ്റവും വലിയ ഡോണായി പ്രവര്‍ത്തിക്കുകയാണ്. ശോഭ കേരളത്തില്‍ ഉണ്ടാകരുതെന്ന് ആഗ്രഹിക്കുന്ന ആളാണ് പിണറായി. വീണ വിജയന്റെ കൂട്ടുകാരിയാണ് കണ്ണൂരിലെ ദിവ്യയെന്നും ശോഭ സുരേന്ദ്രന്‍ ആരോപിച്ചു.
