റോം: ഫ്രാന്‍സിസ് മാര്‍പാപ്പയുടെ ആരോഗ്യനിലയില്‍ പുരോഗതി. പോപ്പിന് നിലവില്‍ ശ്വാസതടമില്ലെന്ന് വത്തിക്കാന്‍ വ്യക്തമാക്കി. ശ്വാസകോശ അണുബാധയ്ക്കുള്ള ചികിത്സ തുടരും. മാര്‍പാപ്പയുടെ ആരോഗ്യത്തിന് വേണ്ടി പ്രാര്‍ത്ഥിച്ചവര്‍ക്ക് നന്ദി അറിയിച്ചുകൊണ്ടുള്ള അദ്ദേഹത്തിന്റെ ഓഡിയോ സന്ദേശം വത്തിക്കാന്‍ പുറത്തുവിട്ടു.
ബ്രോങ്കൈറ്റിസ് ബാധയെ തുടര്‍ന്ന് ഫെബ്രുവരി 14നാണ് റോമിലെ ജമേലി ആശുപത്രിയില്‍ മാര്‍പാപ്പയെ പ്രവേശിപ്പിച്ചത്. പിന്നാലെ ആരോഗ്യസ്ഥിതി മോശമാവുകയായിരുന്നു. ന്യൂമോണിയ കൂടി ബാധിച്ചതോടെ കടുത്ത അണുബാധയും കഫക്കെട്ടും ഉണ്ടായി. തുടര്‍ന്ന് മാര്‍പാപ്പയ്ക്ക് കൃത്രിമശ്വാസം നല്‍കുന്നുവെന്നായിരുന്നു വത്തിക്കാന്‍ അറിയിച്ചത്.
