ബ്രെ​യി​ൽ ലിപിയിലൂടെ സാ​ക്ഷ​ര​ത പ​ഠനത്തിനും അവസരം

തൊ​ടു​പു​ഴ: ജി​ല്ല​യി​ലെ കാ​ഴ്ച പ​രി​മി​തി നേ​രി​ടു​ന്ന​വ​രെ ക​ണ്ടെ​ത്തി അ​ടി​സ്ഥാ​ന വി​ദ്യാ​ഭ്യാ​സം ഉ​റ​പ്പാ​ക്കു​ക എ​ന്ന ല​ക്ഷ്യ​ത്തോ​ടെ ന​ട​പ്പാ​ക്കു​ന്ന ബ്രെ​യി​ൽ സാ​ക്ഷ​ര​ത പ​ദ്ധ​തി​യി​ൽ ചേ​രാ​ൻ അ​വ​സ​രം. കേ​ര​ള ഫെ​ഡ​റേ​ഷ​ൻ ഓ​ഫ് ദ ​ബ്ലൈ​ൻ​ഡ് അ​ധ്യാ​പ​ക ഫോ​റ​വു​മാ​യി ചേ​ർ​ന്ന് സം​സ്ഥാ​ന സാ​ക്ഷ​ര​ത മി​ഷ​ൻ അ​തോ​റി​റ്റി​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

നി​ര​ക്ഷ​ര​രാ​യ കാ​ഴ്ച​വെ​ല്ലു​വി​ളി നേ​രി​ടു​ന്ന​വ​ർ​ക്ക് ബ്രെ​യി​ൽ ലി​പി​യി​ൽ അ​ടി​സ്ഥാ​ന വി​ദ്യാ​ഭ്യാ​സം ന​ൽ​കു​ക, ക​ലാ​പ​ര​മാ​യ ക​ഴി​വു​ക​ളെ വി​ക​സി​പ്പി​ക്കാ​നും പ്ര​ക​ടി​പ്പി​ക്കാ​നും അ​വ​സ​രം ഒ​രു​ക്കു​ക, തൊ​ഴി​ൽ അ​വ​സ​ര​ങ്ങ​ൾ സൃ​ഷ്ടി​ക്കു​ക എ​ന്നി​വ​യാ​ണ് പ​ദ്ധ​തി​യു​ടെ ല​ക്ഷ്യ​ങ്ങ​ൾ. നാ​ലു മാ​സ​മാ​ണ് പ​ദ്ധ​തി കാ​ലാ​വ​ധി.

സാ​മൂ​ഹി​ക നീ​തി വ​കു​പ്പ്, വി​ദ്യാ​ഭ്യാ​സ വ​കു​പ്പ്, കു​ടും​ബ​ശ്രീ, ആ​ശ വ​ർ​ക്ക​ർ​മാ​ർ, അം​ഗ​ൻ​വാ​ടി പ്ര​വ​ർ​ത്ത​ക​ർ, സ​ന്ന​ദ്ധ പ്ര​വ​ർ​ത്ത​ക​ർ എ​ന്നി​വ​രു​ടെ സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ന​ട​ത്തി​പ്പ്. സ​ർ​വ്വേ​യി​ലൂ​ടെ ക​ണ്ടെ​ത്തി​യ പ​ഠി​താ​ക്ക​ൾ​ക്ക് ബ്രെ​യി​ൽ ലി​പി​യി​ൽ 160 മ​ണി​ക്കൂ​ർ ക്ലാ​സ് ന​ൽ​കും. ഇ​തി​നാ​യി ബ്രെ​യി​ൽ ലി​പി​യി​ൽ പ്രാ​വീ​ണ്യ​മു​ള്ള പ​ത്താം ക്ലാ​സ് യോ​ഗ്യ​ത​യു​ള്ള ഇ​ൻ​സ്ട്ര​ക്ട​ർ​മാ​രെ​യാ​ണ് നി​യോ​ഗി​ച്ചി​ട്ടു​ള്ള​ത്.

ബ്രെ​യി​ൽ ലി​പി​യി​ലേ​ക്ക് ത​ർ​ജ​മ ചെ​യ്ത സാ​ക്ഷ​ര​ത പാ​ഠ​പു​സ്ത​ക​മാ​ണ് ബ്രെ​യി​ൽ സാ​ക്ഷ​ര​ത പ​ദ്ധ​തി​ക്കാ​യി ഉ​പ​യോ​ഗി​ക്കു​ന്ന​ത്. 15 മു​ത​ൽ 20 വ​രെ പ​ഠി​താ​ക്ക​ൾ​ക്ക് ഒ​ന്ന് എ​ന്ന നി​ല​യി​ലാ​ണ് ക്ലാ​സു​ക​ൾ സ​ജ്ജ​മാ​ക്കു​ന്ന​ത്. പ​ഠി​താ​ക്ക​ളെ ക​ണ്ടെ​ത്താ​ൻ ന​ട​ത്തി​യ സ​ർ​വേ​യി​ൽ ഉ​ൾ​പ്പെ​ടാ​തെ പോ​യ ബ്രെ​യി​ൽ ലി​പി​യി​ൽ സാ​ക്ഷ​ര​ത പ​ഠ​നം ആ​ഗ്ര​ഹി​ക്കു​ന്ന​വ​ർ ജി​ല്ല പ​ഞ്ചാ​യ​ത്തി​ലെ സാ​ക്ഷ​ര​ത മി​ഷ​ൻ ജി​ല്ല ഓ​ഫി​സു​മാ​യി ബ​ന്ധ​പ്പെ​ട​ണം. ഫോ​ൺ: 04862-23 2294. ഇ-​മെ​യി​ൽ idk.literacy@gmail.com.