തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വീണ്ടും വർദ്ധനവ്. ഒരു പവൻ സ്വർണത്തിന് 120 രൂപ വർധിച്ചു. ഇതോടെ സ്വർണവില പുതിയ റെക്കോർഡ് നിരക്കിലേക്ക് എത്തിയിരിക്കുകയാണ്. ഒരു പവൻ സ്വർണത്തിന് ഇന്ന് 60,880 രൂപയാണ്.
ഇന്നലെ മാത്രം 680 രൂപയുടെ വർദ്ധനവ് ഉണ്ടായി. നിലവിൽ ഒരു പവൻ സ്വർണം വാങ്ങാൻ ജിഎസ്ടിയും പണിക്കൂലിയുമുൾപ്പെടെ 65,000 രൂപയ്ക്കു മുകളിൽ കൊടുക്കണം. 22 കാരറ്റ് സ്വർണത്തിന്റെ ഒരു ഗ്രാമ് വിപണി വില 7,610 രൂപയും, 18 കാരറ്റ് സ്വർണത്തിന്റെ ഒരു ഗ്രാമിന്റെ വില 6,285 രൂപയുമാണ്.
അതേസമയം, വെള്ളിയുടെ വിലയും കുത്തനെ ഉയർന്നു, ഒരു ഗ്രാം ഹാൾമാർക്ക് വെള്ളിയുടെ വിപണി വില 100 രൂപയായി.
