നടന്‍ സത്യരാജിന് പിറന്നാള്‍ ആശംസകളുമായി സംവിധായകന്‍ ലോകേഷ് കനകരാജ്. കൂലിയില്‍ സത്യരാജിനൊപ്പം പ്രവര്‍ത്തിക്കുന്നത് മറക്കാന്‍ കഴിയാത്ത ഒരു അനുഭവമാണെന്നും, ഇത് തനിക് ഒരു പഠന യാത്ര കൂടിയാണെന്നും ലോകേഷ് സോഷ്യല്‍ മീഡിയയില്‍ കുറിച്ചു.
സത്യരാജ് സാറിന് ജന്മദിനാശംസകള്‍ നേരുന്നു, ഞങ്ങളെ പ്രചോദിപ്പിക്കുന്നത് തുടരുന്നതിന് നന്ദിയെന്നും ലോകേഷ് കൂട്ടിച്ചേര്‍ത്തു. ആക്ഷന്‍ ഡ്രാമ വിഭാഗത്തിലൊരുങ്ങുന്ന ഒരു പിരിയഡ് ഗ്യാങ്സ്റ്റര്‍ ആക്ഷന്‍ ത്രില്ലര്‍ ചിത്രമാണ് കൂലി. 38 വര്‍ഷങ്ങള്‍ക്ക് ശേഷം സത്യരാജും രജനികാന്തും നേര്‍ക്കുനേര്‍ എത്തുന്ന എന്ന പ്രേത്യകതയും ചിതത്ത്രിനുണ്ട്.
ബ്ലാക്ക് ആന്‍ഡ് വൈറ്റില്‍ എത്തിയ കൂലിയുടെ പോസ്റ്ററുകള്‍ നേരത്തെ ആരാധകരുടെ ശ്രദ്ധപിടിച്ചു പറ്റിയിരുന്നു. ലോകേഷ് കനകരാജിന്റെ സംവിധാനത്തില്‍ ഒരുങ്ങുന്ന സിനിമയില്‍ നാഗാര്‍ജുന, ഉപേന്ദ്ര, ശ്രുതി ഹാസന്‍, തുടങ്ങിയവരും പ്രധാന വേഷങ്ങളിലെത്തുന്നുണ്ട്.
