കര്‍ണാടക: ഷിരൂര്‍ മണ്ണിടിച്ചിലില്‍ കാണാതായ കര്‍ണാടക സ്വദേശികള്‍ക്കായുള്ള തെരച്ചിലില്‍ പ്രദേശത്ത് നിന്ന് ലഭിച്ചത് മനുഷ്യന്റെ എല്ലുകളാണെന്ന് ലാബ് സ്ഥിരീകരിച്ചു. എന്നാല്‍ കാണാതായ ലോകേഷിന്റെയോ ജഗന്നാഥിന്റെയോ ശരീരഭാഗങ്ങളാണോ ഇത് എന്ന് തിരിച്ചറിയാന്‍ കഴിയുന്നില്ലെന്ന് ഹുബ്ബള്ളി ഫൊറന്‍സിക് ലാബ് വ്യക്തമാക്കി. ഡിഎന്‍എ പരിശോധന നടത്തിയിട്ടും ഇത് ആരുടേതെന്ന് തിരിച്ചറിയാനാകുന്നില്ല.
മണ്ണിടിച്ചിലില്‍ കൊല്ലപ്പെട്ട കോഴിക്കോട് സ്വദേശി അര്‍ജുന്റെ ശരീരഭാഗങ്ങള്‍ കണ്ടെത്തിയ ശേഷവും ഇവിടെ തെരച്ചില്‍ തുടര്‍ന്നിരുന്നു. ഈ തെരച്ചിലിനൊടുവിലാണ് എല്ലുകള്‍ കണ്ടെത്തിയത്. എന്നാല്‍ ഇത് ആരുടേതെന്ന് തിരിച്ചറിയാനാവാതെ ലാബ് പൊലീസിന് മടക്കി നല്‍കി. മരിച്ചെന്ന സ്ഥിരീകരണം ലഭിക്കാത്തതിനാല്‍ ലോകേഷിന്റെയും ജഗന്നാഥിന്റെയും കുടുംബത്തിന് സര്‍ക്കാര്‍ സഹായം വൈകുകയാണ്.
