കെഎസ്ആര്‍ടിസി ബസ്ടിച്ച് തകര്‍ന്നുവീണ ശക്തന്‍ തമ്പുരാന്റെ പ്രതിമ പുനര്‍നിര്‍മ്മിക്കാത്തതില്‍ പ്രതിഷേധവുമായി എം പി സുരേഷ് ഗോപി. 2 മാസം കൊണ്ട് പുനര്‍നിര്‍മ്മിക്കുമെന്ന സര്‍ക്കാര്‍ ഉറപ്പ് പാലിക്കാത്തതില്‍ പ്രതിഷേധവുമായാണ് സുരേഷ് ഗോപി രംഗത്തെത്തിയിരിക്കുന്നത്. 14 ദിവസത്തിനകം സ്ഥാപിച്ചില്ലെങ്കില്‍ ശക്തന്റെ വെങ്കല പ്രതിമ താന്‍ പണിതു നല്‍കുമെന്ന് സ്ഥലം സന്ദര്‍ശിച്ച സുരേഷ് ഗോപി എംപി പറഞ്ഞു.
ഈ വര്‍ഷം ജൂണ്‍ 9നാണ് ശക്തന്‍ തമ്പുരാന്റെ പ്രതിമ കെഎസ്ആര്‍ടിസി ബസ് ഇടിച്ച് തകര്‍ന്നു വീണത്. മാസം രണ്ടായിട്ടും പ്രതിമയുടെ പുനനിര്‍മ്മാണം പൂര്‍ത്തിയാക്കിയിട്ടില്ല.രണ്ടുമാസത്തിനകം പ്രതിമ പുനര്‍ നിര്‍മ്മിക്കും എന്നായിരുന്നു സര്‍ക്കാരിന്റെ വാക്ക്. പ്രതിമയുടെ പുനര്‍നിര്‍മ്മാണത്തിന് വേണ്ടിയുള്ള ചിലവ് കെഎസ്ആര്‍ടിസി വഹിക്കുമെന്ന് ഗതാഗത മന്ത്രി പറഞ്ഞിരുന്നു.
