കൊച്ചി: പ്രമുഖ ആഗോള വാഹന നിര്‍മാതാക്കളായ ടിവിഎസ് മോട്ടോര്‍ കമ്പനി, ഇന്ത്യയുടെ 78ാമത് സ്വാതന്ത്ര്യദിനത്തോടനുബന്ധിച്ച് ഐക്യൂബ് വേരിയന്റുകളുടെ ലിമിറ്റഡ് സെലിബ്രേഷന്‍ എഡിഷന് അവതരിപ്പിച്ചു. സ്വാതന്ത്ര്യദിന തലേന്നായിരുന്നു പ്രഖ്യാപനം.
ടിവിഎസ് ഐക്യൂബ് 3.4 കെഡബ്ല്യുഎച്ച്, ടിവിഎസ് ഐക്യൂബ് എസ് വേരിയന്റുകളുടെ ആയിരം യൂണിറ്റുകള്‍ മാത്രമാണ് സെലിബ്രേഷന്‍ എഡിഷനായി കമ്പനി പുറത്തിറക്കിയിരിക്കുന്നത്. പ്രത്യേക ഡ്യുവല്‍ടോണ്‍ കളര്‍ സ്‌കീമും, പ്രത്യേക സെലിബ്രേഷന്‍ എഡിഷന് ഗ്രാഫിക്‌സുമായാണ് സെലിബ്രേഷന്‍ എഡിഷന് വരുന്നത്.
സ്റ്റാന്‍ഡേര്‍ഡ് മോഡലുകളുടെ അതേ വിലയില്‍ ഉപഭോക്താക്കള്‍ക്ക് ഐക്യൂബ് വേരിയന്റുകളുടെ സെലിബ്രേഷന്‍ എഡിഷന് വാങ്ങാം. ടിവിഎസ് ഐക്യൂബ് 3.4 കെഡബ്ല്യുഎച്ച് സെലിബ്രേഷന്‍ എഡിഷന് 1,19,628 രൂപയും, ടിവിഎസ് ഐക്യൂബ് എസ് സെലിബ്രേഷന്‍ എഡിഷന് 1,29,420 രൂപയുമാണ് ഡല്‍ഹി എക്‌സ്‌ഷോറൂം വില. സെലിബ്രേഷന്‍ എഡിഷന് വേരിയന്റുകളുടെ ബുക്കിങ് ആരംഭിച്ചു. 2024 ഓഗസ്റ്റ് 26 മുതല്‍ ഡെലിവറി ആരംഭിക്കും.
