കെഎസ്ആർടിസിക്ക് 103 കോടി രൂപ; പെൻഷൻ വിതരണത്തിനായി 73.10 കോടി

സർക്കാർ സഹായമായി കെഎസ്ആർടിസിക്ക് 103.10 കോടി രൂപ അനുവദിച്ചതായി ധനകാര്യ മന്ത്രി കെ എൻ ബാലഗോപാൽ. പെൻഷൻ വിതരണത്തിനായി 73.10 കോടി രൂപയും, മറ്റുള്ളവയ്ക്കുള്ള സഹായമായി 30 കോടി രൂപയും അനുവദിച്ചു. ഈ സാമ്പത്തിക വർഷത്തെ ബജറ്റിൽ കെഎസ്ആർടിസിക്ക് 900 കോടി രൂപയാണ് വകയിരുത്തിയത്. ഇതിനകം 1479.42 കോടി രൂപ നൽകി. ബജറ്റ് വകയിരുത്തലിനെക്കാൾ 579.42 കോടി രൂപ.