ഇടുക്കി: പൂപ്പാറയില്‍ 45 ദിവസം പ്രായമുള്ള കുട്ടി മരിച്ചു. പൂപ്പാറ സ്വദേശികളായ സച്ചിന്‍-മാരിയമ്മ ദമ്പതികളുടെ 45 ദിവസം പ്രായമുളള പെണ്‍കുഞ്ഞാണ് മരിച്ചത്. ശ്വാസതടസത്തെ തുടര്‍ന്നാണ് കുഞ്ഞിനെ അടിമാലി സ്വകാര്യ ആശുപത്രിയില്‍ പ്രവേശിപ്പിച്ചത്. ശ്വാസ തടസത്തിനൊപ്പം ഫിക്‌സ് ഉണ്ടായതാണ് മരണകാരണം എന്നാണ് പ്രാഥമിക നിഗമനം.
അതേസമയം കഴിഞ്ഞ ദിവസം 45 ദിവസത്തിന്റെ വാക്സിന് കുഞ്ഞ് എടുത്തിരുന്നു. ശാന്തന്‍പാറ ഗവ. ആശുപത്രിയില്‍ നിന്നാണ് വാക്സിന് എടുത്തത്. ഇത് മൂലമാണോ മരണം സംഭവിച്ചത് എന്നും സംശയമുണ്ട്. പൊലീസ് അന്വേഷണം ആരംഭിച്ചു. പോസ്റ്റ്മോര്‍ട്ടം റിപ്പോര്‍ട്ട്
വന്നതിന് ശേഷമേ കാര്യത്തില്‍ വ്യക്തത വരു.
