ലോകത്തെ ഏറ്റവും ശക്തമായ പാസ്‌പോര്‍ട്ടുകളുടെ പട്ടികയില്‍ ഇന്ത്യന്‍ പാസ്പോര്ട്ട് 82-ാം സ്ഥാനത്ത്.ഹെന്‍ലി പാസ്പോര്ട്ട് ഇന്‍ഡക്‌സിന്റെ ഏറ്റവും പുതിയ റാങ്കിങ്ങ് പ്രകാരമാണ് ഇന്ത്യന്‍ പാസ്പോര്ട്ട് പട്ടികയില്‍ 82-ാം സ്ഥാനത്ത് എത്തിയത്.ഇന്റര്‍നാഷണല്‍ എയര്‍ ട്രാന്‍സ്‌പോര്‍ട്ട് അസോസിയേഷന്റെ ഡാറ്റയെ അടിസ്ഥാനമാക്കിയാണ് റാങ്കിങ്ങ്.പട്ടിക പ്രകാരം 195 രാജ്യങ്ങളിലേക്ക് വിസ രഹിത പ്രവേശനം വാഗ്ദാനം ചെയ്യുന്ന സിംഗപ്പൂര്‍ പാസ്പോര്ട്ട് ലോകത്തിലെ ഏറ്റവും ശക്തമായ പാസ്‌പോര്‍ട്ടായി തിരഞ്ഞെടുക്കപ്പെട്ടു. 58 രാജ്യങ്ങളിലേയ്ക്കാണ് ഇന്ത്യന്‍ പാസ്പോര്ട്ട് വിസ രഹിത പ്രവേശനം അനുവദിക്കുന്നത്.
192 രാജ്യങ്ങളിലേക്ക് വിസരഹിത പ്രവേശനം നല്‍കുന്ന ഫ്രാന്‍സ്, ഇറ്റലി, ജര്‍മ്മനി, സ്പെയിന്‍, ജപ്പാന്‍ എന്നീ രാജ്യങ്ങളുടെ പാസ്പോര്‍ട്ടാണ് രണ്ടാമത്.186 രാജ്യങ്ങളിലേക്ക് വിസ രഹിത പ്രവേശനവുമായി അമേരിക്ക എട്ടാം സ്ഥാനത്തേക്ക് വീണു.26 ലക്ഷ്യസ്ഥാനങ്ങളിലേക്ക് വിസരഹിതമായി എത്തിച്ചേരാവുന്ന അഫ്ഗാനിസ്ഥാനാണ് പട്ടികയുടെ ഏറ്റവും താഴെയുള്ളത്.
