കൊല്ലം: കൊല്ലം ഇരട്ടക്കടയിലെ മരണം ദുരഭിമാനക്കൊല എന്ന് കൊല്ലപ്പെട്ട അരുണിന്റെ കുടുംബം. പ്രസാദ് മകളുടെ സുഹൃത്തായ 19-കാരനെ കൊലപ്പെടുത്തിയത് രണ്ട് സമുദായമായതുകൊണ്ടാണെന്ന് അരുണിന്റെ അമ്മയുടെ സഹോദരി സന്ധ്യ ആരോപിച്ചു. അരുണിനെ പ്രസാദ് വിളിച്ചുവരുത്തി കൊലപ്പെടുത്തിയതാണെന്നും സന്ധ്യ പറഞ്ഞു. പ്രസാദ് ഇരുവരുടെയും ബന്ധത്തെ എതിര്‍ത്തിരുന്നു. പെണ്‍കുട്ടി തന്നെ തന്നോട് ഇക്കാര്യം പറഞ്ഞിട്ടുണ്ടെന്നും ഇവര്‍ വ്യക്തമാക്കി.
പ്രസാദിന്റെ മകളുമായി അരുണ്‍ എട്ടാം ക്ലാസില്‍ തുടങ്ങിയ പ്രണയമാണ്. വിവാഹം നടത്തിക്കൊടുക്കാമെന്ന് പ്രസാദ് പറഞ്ഞിട്ടുണ്ട്. പിന്നീട് വിവാഹം അനുവദിക്കില്ലെന്ന് പറഞ്ഞ് ഭീഷണിപ്പെടുത്തുകയും ചെയ്തിരുന്നു. പ്രസാദ് ഇതിനുമുമ്പും പലവട്ടം പ്രശ്‌നങ്ങളുണ്ടാക്കിയിട്ടുണ്ടെന്നും സന്ധ്യ ആരോപിക്കുന്നു. ഇന്നലെയാണ് കൊല്ലം ഇരവിപുരം സ്വദേശി അരുണ്‍കുമാര്‍ (19) നെ ഇരവിപുരം വഞ്ചിക്കോവില്‍ സ്വദേശി പ്രസാദ് (44) കുത്തിക്കൊന്നത്.
