തിരുവനന്തപുരം: കേരളത്തിലെ ജയിലുകള്‍ സഖാക്കൾക്ക് വെറും സുഖവാസ കേന്ദ്രങ്ങളാണെന്ന് കെ.സി വേണുഗോപാല്‍ എംപി. ടിപി കേസിലടക്കം ഇത് കണ്ടതാണെന്നും പെരിയ കേസിലെ ഒന്നാം പ്രതി കൊടി സുനിയുമായി കൂടിക്കാഴ്ച നടത്തിയത് എന്തിനാണെന്നും അദ്ദേഹം ചോദിച്ചു.
ജീവപര്യന്തകാലം എന്നത് അവരുടെ സുഖവാസകാലമാണെന്നും കേരളത്തിലെ സി.പി.എമ്മിന്റെ നേതൃത്വത്തില്‍ ഈ സര്‍ക്കാര്‍ ഭരിക്കുമ്പോള്‍ ഇവിടുത്തെ ജയിലുകളെല്ലാം സി.പി.എം സഖാക്കള്‍ക്ക് കൊലനടത്തിയാലും വന്ന് താമസിക്കാവുന്ന സുഖവാസ കേന്ദ്രങ്ങളാക്കി മാറ്റപ്പെട്ടിരിക്കുകയാണെന്നും കെസി വേണുഗോപാല്‍ പറഞ്ഞു.
