കൊച്ചി: മന്ത്രി കെബി ഗണേഷ് കുമാറിനെതിരെ കടുത്ത ആരോപണവുമായി യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് അബിന്‍ വര്‍ക്കി. കാരണവര്‍ വധക്കേസിലെ പ്രതി ഷെറിന്റെ ശിക്ഷായിളവ് വിവാദമായതിന് പിന്നാലെയാണ് ആരോപണം. ഗണേശ് കുമാര്‍ ഷെറിന്റെ ബെസ്റ്റിയാണെന്ന് സംശയിക്കുന്നതായി അബിന്‍ വര്‍ക്കി പറഞ്ഞു.
പ്രതിയുടെ ലോക്കല്‍ ഗാര്‍ഡിയന്‍ ചെങ്ങന്നൂരിലാണ്. ഷെറിന്റെ ബെസ്റ്റിയായിരുന്നു ഗണേശ് കുമാര്‍ എന്ന് സംശയിക്കപ്പെടുന്ന രീതിയിലാണ് അവരുടെ ശിക്ഷാ ഇളവ് നല്‍കിയിരിക്കുന്നത്. എന്തിനു വേണ്ടിയാണ് ഇത്തരം ക്രിമിനല്‍ കൂട്ടുകെട്ട്. ജയിലില്‍ കിടക്കുന്ന ക്രിമിനലായ ഒരു സ്ത്രീയുമായി കേരളത്തിലെ മന്ത്രിക്കുള്ള ബന്ധമെന്താണെന്നും അബിന്‍ ആരാഞ്ഞു.
