പാലക്കാട്: തൊഴുത്ത് നിർമ്മാണത്തിന് പഞ്ചായത്തിൽ നിന്നും വായ്പ അനുവദിക്കുന്നതിന് സിപിഎം നേതാവ് പണം വാങ്ങിയെന്ന് പരാതി. പാലക്കാട് കൊടുമ്പ് ഗ്രാമ പഞ്ചായത്തിലാണ് സംഭവം. സിപിഎം കാടാങ്കോട് ബ്രാഞ്ച് സെക്രട്ടറി ഷാഫി ഖുറൈഷി പണം വാങ്ങിയെന്നാണ് ആരോപണം. പഞ്ചായത്തിലെ താത്കാലിക ജീവനക്കാരനാണ് ഇയാള്‍.
തൊഴുത്തിനായി അപേക്ഷ നല്‍കിയവരില്‍ നിന്ന് ഷാഫി ഖുറൈഷി 10,000 രൂപയാണ് വാങ്ങിയത്. ജിഎസ്ടി ബില്‍ ശരിയാക്കി തരാമെന്ന് പറഞ്ഞാണ് പൈസ വാങ്ങിയതെന്ന് പരാതിക്കാർ പറയുന്നു. സംഭവം വിവാദമായതിന് പിന്നാലെ പണം തിരികെ നല്‍കി രസീത് വാങ്ങുകയായിരുന്നു. പഞ്ചായത്ത് സെക്രട്ടറിയുടെ സാന്നിധ്യത്തിലാണ് പണം തിരികെ നല്‍കിയത്. പത്തു പേർക്കാണ് പണം തിരികെ നല്‍കിയത്.
