കൊല്ലം: കൊല്ലത്ത് നടക്കുന്ന സിപിഐഎം സംസ്ഥാന സമ്മേളനത്തിലെ അസാന്നിദ്ധ്യത്തില്‍ പ്രതികരണവുമായി കൊല്ലം എംഎല്‍എ എം മുകേഷ്. സമ്മേളന ദിവസം കൊല്ലത്ത് ഉണ്ടാവില്ലെന്ന് പാര്‍ട്ടിയെ അറിയിച്ചതിനാലാണ് തന്നെ ക്ഷണിക്കാത്തതെന്നാണ് മുകേഷിന്റെ പ്രതികരണം. താന്‍ എറണാകുളത്ത് ഷൂട്ടിലായതിനാലാണ് സമ്മേളനത്തില്‍ പങ്കെടുക്കാത്തതെന്നും മുകേഷ് പറഞ്ഞു.
സമ്മേളനത്തില്‍ പാര്‍ട്ടി എംഎല്‍എയായ മുകേഷ് ഇല്ലാത്തതിനെ കുറിച്ചുള്ള ചര്‍ച്ചകളുയര്‍ന്നിരുന്നു. ലൈംഗിക ആരോപണം ഉയര്‍ന്ന സാഹചര്യത്തില്‍ മുകേഷിനെ പാര്‍ട്ടി മാറ്റിനിര്‍ത്തിയെന്ന ആരോപണങ്ങളുയര്‍ന്നു. എംഎല്‍എ എന്ന നിലയില്‍ മുഖ്യസംഘാടകരില്‍ ഒരാള്‍ ആവേണ്ടയാളായിരുന്നു മുകേഷ് എന്നും പാര്‍ട്ടിയില്‍ നിന്ന് അപ്രഖ്യാപിത വിലക്ക് മുകേഷിനുണ്ടെന്നും ചര്‍ച്ചകള്‍ ഉയര്‍ന്നു.
