സൂറിച്ച്: ഫിഫ റാങ്കിങ്ങില്‍ ഒന്നാം റാങ്ക് നിലനിര്‍ത്തി അര്‍ജന്റീന. ഫ്രാന്‍സിനെ മറികടന്ന് സ്‌പെയിന്‍ രണ്ടാം സ്ഥാനത്തേക്ക് ഉയര്‍ന്നു. ബ്രസീല്‍ അഞ്ചാം സ്ഥാനത്ത് തന്നെ . ലോകകപ്പ് യോഗ്യതാ റൗണ്ടില്‍ ബ്രസീലിനും യുറുഗ്വേയ്ക്കുമെതിരെ തുടര്‍ച്ചയായി അര്‍ജന്റീന വിജയങ്ങള്‍ നേടിയിരുന്നു.
യുറുഗ്വേയ്ക്കെതിരെ 1-0 ന് വിജയിച്ചതോടെ അര്‍ജന്റീന 2026 ലോകകപ്പിന് യോഗ്യത ഉറപ്പാക്കി, ബ്രസീലിനെ സ്വന്തം മണ്ണില്‍ 4-1 ന് അര്‍ജന്റീന തോല്‍പ്പിച്ചു. ഏപ്രില്‍ മാസത്തോടെ, ഫിഫ ലോക റാങ്കിംഗില്‍ ഒന്നാം നമ്പര്‍ ടീമായി അര്‍ജന്റീന രണ്ട് വര്‍ഷങ്ങള്‍ തികയ്ക്കും . നിലവില്‍ 1,867 പോയിന്റുമായി ടീം പട്ടികയില്‍ അര്‍ജന്റീന ഒന്നാം സ്ഥാനത്താണ്.
ഫിഫ ലോക റാങ്കിങിലെ ആദ്യ 10 സ്ഥാനക്കാര്‍ ഇവരാണ്അര്‍ജന്റീന-1,സ്‌പെയിന്‍-2,ഫ്രാന്‍സ്-3,ഇംഗ്ലണ്ട്-4,ബ്രസീല്‍-5,നെതര്‍ലാന്‍ഡ്സ്-6,പോര്‍ച്ചുഗല്‍-7,ബെല്‍ജിയം-8ഇറ്റലി-9,ജര്‍മ്മനി-10
