കാസർകോട്: കുമ്പള മൊഗ്രാൽ സ്വദേശിയായ എം.ബി.ബി.എസ് വിദ്യാർഥി കോയമ്പത്തൂരിൽ ടിപ്പര് ലോറിയിടിച്ച് മരിച്ചു. മൊഗ്രാല് കൊപ്പളം അഹമ്മദിന്റെ മകന് എം.കെ. മുഹമ്മദ് റാഷിദ് (21) ആണ് മരിച്ചത്. പുത്തിഗെ കട്ടത്തടുക്കയിലാണ് താമസം. ഇന്നലെ രാത്രിയാണ് രാത്രിയാണ് അപകടമുണ്ടായത്.
കോയമ്പത്തൂരില് രണ്ടാം വര്ഷ എം.ബി.ബി.എസ് വിദ്യാർഥിയാണ് മുഹമ്മദ് റാഷിദ്. അവധിക്ക് നാട്ടിൽ വന്ന് ഒരാഴ്ച മുമ്പാണ് തിരികെ കോയമ്പത്തൂരിലേക്ക് പോയത്. ബൈക്ക് റോഡരികില് നിര്ത്തി റോഡ് മുറിച്ചു കടക്കുന്നതിനിടെ ടിപ്പര് ലോറിയിടിക്കുകയായിരുന്നു. മാതാവ് സൗദ. സഹോദരങ്ങള്: ഹാദില്, സഫ, നിദ.