തൃശ്ശൂര്‍: തൃശ്ശൂരില്‍ ഉത്സവത്തിന് എത്തിച്ച ആന ഇടഞ്ഞ് ഒരാളെ കുത്തി കൊന്നു. എളവള്ളി ബ്രഹ്‌മകുളം ശ്രീ പൈങ്കണിക്കല്‍ ക്ഷേത്രത്തില്‍ ഇന്ന് വൈകീട്ടാണ് സംഭവം. ആലപ്പുഴ സ്വദേശി ആനന്ദ് ആണ് ആനയുടെ കുത്തേറ്റ് മരിച്ചത്. ഉത്സവത്തിന് എത്തിച്ച ചിറയ്ക്കല്‍ ഗണേശന്‍ എന്ന ആനയാണ് ഇടഞ്ഞത്.
കുളിപ്പിക്കുന്നതിനിടെ പാപ്പാനെ കുത്തി ഓടിയ ആന ഒന്നര കിലോമീറ്റര്‍ അപ്പുറത്ത് മറ്റൊരാളെയും ആക്രമിച്ചു. ഇതിനിടെയാണ് ആനന്ദിനെ കുത്തിയത്. കുത്തേറ്റ മറ്റൊരാള്‍ ഗുരുതര പരിക്കുകളോടെ ചികിത്സയിലാണ്.ഏറെ നേരത്തെ ശ്രമത്തിനൊടുവിലാണ് ആനയെ തളച്ചത്.
