ആഷിഖ് അബുവിന്റെ സംവിധാനത്തിലൊരുങ്ങുന്ന ചിത്രം റൈഫില്‍ ക്ലബിന്റെ ക്യാരക്ടര്‍ പോസ്റ്റില്‍ ബോളിവുഡ് സംവിധായകനും നടനുമായ അനുരാഗ് കശ്യപ്. അനുരാഗിന്റെ ജന്മദിനമായ സെപ്തംബര്‍ 10-ന് റൈഫില്‍ ക്ലബിന്റെ അണിയറ പ്രവര്‍ത്തകര്‍ തന്നെയാണ് ക്യാരക്ടര്‍ പോസറ്റര്‍ പുറത്ത് വിട്ടത്. മലയാള സിനിമയിലെ അനുരാഗ് കശ്യപിന്റെ അരങ്ങേറ്റം കൂടിയാണ് റൈഫിള്‍ ക്ലബ്. ചിത്രത്തില്‍ ദയാനന്ദ് ബാരെ എന്ന കഥാപാത്രത്തെയാണ് അനുരാഗ് അവതരിപ്പിക്കുന്നത്.
ചിത്രത്തിലെ കാസ്റ്റിങ്ങ് കോള്‍ പോസറ്ററിന് താഴെ ‘അതിഥി വേഷത്തിനു നിങ്ങള്‍ക്കു മുംബൈയില്‍ നിന്ന് ഒരു ഉത്തരേന്ത്യന്‍ നടനെ ആവശ്യമുണ്ടോ?’ എന്ന് അനുരാഗ് കശ്യപ് കമന്റ് ചെയ്തിരുന്നു. ഇതിന് താഴെ ”അതെ സര്‍ജി, സ്വാഗതം” എന്നായിരുന്നു ആഷിഖ് അബു നല്‍കിയ മറുപടി. ഇതിനു പിന്നാലെയാണ് ചിത്രത്തിലെ വില്ലന്‍ റോളിലേയ്ക്ക് അനുരാഗ് കശ്യപിനെ ആഷിഖ് അബു കാസ്റ്റ് ചെയ്തത്.
