മഞ്ചേരി മോങ്ങത്ത് പിഞ്ചുകുഞ്ഞിനെ കൊലപ്പെടുത്തി അമ്മ ജീവനൊടുക്കി. മൂന്ന് മാസം പ്രായമുള്ള ആണ്‍കുഞ്ഞിനെയാണ് ശുചിമുറിയിലെ ബക്കറ്റിൽ മരിച്ച നിലയില്‍ കണ്ടെത്തിയത്. കുഞ്ഞ് ബക്കറ്റില്‍ തലകീഴായി കിടക്കുന്ന നിലയിലായിരുന്നു.
ഇവരുടെ സ്വന്തം വീട്ടില്‍ വെച്ചാണ് മരണം. കുട്ടിയെ കൊല്ലപ്പെടുത്തിയ ശേഷം ഒളിമതല്‍ സ്വദേശി മിനി തൂങ്ങിമരിച്ചു എന്നാണ് പൊലീസിന്റെ നിഗമനം. മരണത്തില്‍ ആര്‍ക്കും പങ്കില്ല എന്ന് വീട്ടിൽ നിന്ന് കണ്ടെത്തിയ ആത്‍മഹത്യ കുറിപ്പിൽ പറയുന്നു . തന്റെ കാഴ്ചപരിമിതിയാണ് ജീവനൊടുക്കാനുള്ള തീരുമാനത്തിന് പിന്നിലെന്നാണ് കുറിപ്പില്‍ പറയുന്നത്. മാവൂരിലാണ് മിനിയുടെ ഭര്‍ത്താവിന്റെ വീട്. മഞ്ചേരി പൊലീസ് അന്വേഷണം ആരംഭിച്ചു.
