പ്രയാഗ് രാജ്: ബോളിവുഡ് നടി മമത കുൽക്കർണി സന്യാസം സ്വീകരിച്ചു. ഉത്തർപ്രദേശിലെ മഹാകുംഭമേളയിൽ പുണ്യ സ്നാനം നടത്തിയാണ് സന്യാസദീക്ഷ സ്വീകരിച്ചത്. കിന്നർ അഖാഡയുടെ ഭാഗമായി സന്യാസ സ്വീകരിച്ച മമത യാമൈ മമത നന്ദഗിരി എന്ന പേരും സ്വീകരിച്ചു.
വളരെ കാലമായി സിനിമാ മേഖലയിൽ നിന്ന് വിട്ടുനിന്ന മമത വിവാഹശേഷം കെനിയയിൽ ആയിരുന്നു താമസിച്ചിരുന്നത്. പിന്നീട് 25 വർഷങ്ങൾക്ക് ശേഷം ഈ മാസം ആദ്യമാണ് മമത ഇന്ത്യയിൽ എത്തിയത്. 2016ൽ താനേ യിൽ നിന്ന് ലഹരിമരുന്ന് പിടികൂടിയ സംഭവത്തിൽ നടിക്കും ഭർത്താവായ വിക്കി ഗോസാമിക്കും പങ്കുണ്ടെന്ന തരത്തിൽ കേസ് വന്നിരുന്നു. എന്നാൽ പിന്നീട് ഈ കേസ് ബോംബെ ഹൈക്കോടതി റദ്ദാക്കിയിരുന്നു.
